I håb ghåbt in Wien an Tåg, då håb i tråcht: „Dees Åydsei hengt ma bein Håys ausse, dees kunt ma in Bugl åwarutshn, dees gäd ma am Årsh.
I mach ashoyn begråbm sei. A pår fun meine Hår san ma leida gaunga alani furaus. Und mir flashlt neet amåy ei, wås reimt si tsu den Word „Zentreu!“.
Und i håb glesn a Speiskårtn, då gibts: „Frankfurter, Wiener, Berner, Debreciner, Krakauer, Käsekrainer, und – åys ob a Eitrige neet ä sho Worst case gnua warat, – daun aa no Mohr im Hemd und Indianer mit Schlag.
Und wiar i dees Word „Worst case“ ausgruafm håb, håt aa Österreicher gsagt: „Yå, an Wurshtkaas håbm mar aa!“
Und a tsweita Österreicher håt gsågt: „Dass d’neet glaubst, dees is a Menshnfressalaund: Waun mir sågn, mir håbm di tsum Fressn gern, daun fress ma die neet, sundan mir håbm di bsundas gern. Wüst a Wachauer?“ –

„Wås isn‘ dees? A Mensh aus da Wachau?“, håb i gfrågt. –
„Naa, dees is a Bugl“, håt er gauntwurt.
„A Bugl? Owan Haxl und hintan Bristl?!“, håb i drauf gfrågt.
„Naa, NEET a Teu fun an Mensh, sundan a klaans Brodl“, håt er gauntwurt.
Und er håt ma so a Broderl gshengt. Und datsua a Minareu.
Nåchdem i håb ma dees einfaleibt, mäch i NIMMA in Zentreu!:
I bin fro, bei EICH tsu sei!

„Wer is in MEIN Bett?“, håt da Kenig gshreid, „wås gshiacht då? Mei Gattin bedriagt mi!“
Wieso bedriagst du mi?“
Dashrekt håt de Gattin biwad: „I woyt eich ålle TSWA! I håb glaubt, du kummst SHPEDA!“
Då håt da Kenig dunad: „Nåchdem i håb kontrollird mei Casino und mei Theater-Hotöl, i woyt
kaufm a Gwaund, åwa dees Gwaundgshäft is TSUA und yets SIACH i, WO da Gwaundfakeifa IS!
Und OONE Gwaund no datSUA! Fårts å! Ålle TSWA! Åwa shnöl!“
De Ex-Kenigin Adele håt woyn a Luxuslebm, åwa hakkln neet. Da Gwaundfakeifa håt desweng
neet gnua Göld ghåbt, um Shuach tsu Kaufm. Drum h åt da Gwaundfakeifa seine Gwaundpreise
hächagmåcht.
Shpeda håt da Kenig WIDA gheirat. A Tseidl no shpeda woyt da Kenig Shuach kaufm. Åwa dees
Shuachgshäft wår TSUA, weu da SHUACHfakeifa håt gråd mit da NEICHN Kenigin dessölwe tau,
wås da GWAUNDfakeifa mit da FURIGN Kenigin håt tau! Drauf håt da Kenig WIDA gsågt: „Fårts
å!“
De Ex-Kenigin Amalie håt woyn a Luxuslebm, åwa hakkln neet. Da Shuachfakeifa håt desweng
neet gnua Göld ghåbt, um wås zum ESSN tsu kaufm. Åyso håt da Shuachfakeifa seine
Shuachpreise hächagmåcht.
Und nommåy håt da Kenig gheirat. Yå, und wia da Kenig woyt wås tsum Essn kaufm, wår des
Gshäft AA Tsua! Und nåchdem da Kenig håt gsäng, wårUM dees Gshäft LAA is, werend in Kenig
sei Bett FOY is, da håt da Kenig wida gsågt: „Fårts å!“
De Ex-Kenigin Seline håt woyn a Luxuslebm, åwa hakkln neet. Da Essnfakeifa håt desweng neet
gnua Göld ghåbt, um a Gwaund tsu kaufm. Auf DEES auffi håt da Essnfakeifa seine Essnpreise
hächagmåcht.
Nåchdem da Kenig wida amåy håt kontollird sei Casino und sei Theater-Hotöl, håt er gsäng an
Turist, der håt grerd. Kari wår da Naum fun den Turist. Der håt a Håkkn ghåbt in Auslaund. Åwa
daun is ar bluntsnfätt wurn. Er håt si gshaumt und er is in dees Kenigreicherl Omokan gfårn, weu er
håt glesn in ana Tseidung, dass durt a Casino is. In den Casino er håt erfårn, dass ma Göld neet nur
gwina, sundan aa faLIRN kaun. Und er woyt Referentsn fun Kenig fun Omokan. Da Kenig åwa håt
dawidad: „Wia sol i denn Referentsn gebm kena tsu An, der wås no nia fir mi ghakklt håt?“
Dahaam daun håt da Kenig grerd, weu er wår alaa. Und no datsua er (no) håt neet gwusst, wia er
kuntad höffm dem Kari.
In dem Moment is sei eashte Frau tsum Kenig kumma und håt gsågt: „I mäch den Gwaundfakeifa

falåssn, weu der håt neet gnua Göld fir mi. I mäch wida bei DIR bleibm“
Aa sei tsweite Frau is kumma und håt gsågt: „I mäch den Shuachfakeifa falåssn, weu der håt neet
gnua Göld fir mi. I mäch wida bei DIR bleibm!“
Tsusetslich is sei dritte Frau kumma und håt gsågt: „I mäch den Essnfakeifa falåssn, weu der håt
neet gnua Göld fir mi. I mäch wida bei DIR bleibm!“
Und Yede fun dese drei Fraun håt gheichlt: „Heirat wida mi! I bin BESSA åys de Aundan tswa!“
Da Kenig åwa håt plaatst: „I liab eich neet, weu ees liabts mi neet! Ees håbts mi nur weng mein
Göld gheirat! Und ees håbts mi bedriagt! Und in MEIN Bett AA no datsua!“
„Dees Tseidungsinserat `Millioneer suacht Frau` is NEET fun dir?“, håt sei eashte Frau gfrågt und
håt eam de Tseidung gebm, in wås wår gshribm dees Inserat.
„Naa, dees is NEET fun mir. I wü NEET weng mein Göld gheirat wern. Fårts å! Ålle drei!“ – De
Adele is drauf wida tsum Gwaundfakeifa und de Amalie is wida tsum Shuachfakeifa und de Seline
wida tsum Essnfakeifa returgaunga.
N åchdem s`drausst wårn, is da Kenig gaunga hakkln in sein eigan Theater-Hotöl åys Shtubenmau,
dass eam kane mer weng sein Göld heirat und um tsu säng aundare Bettn åys sei eigans. Sei eigans
Bett håt eam erinnad auf wås drin leida gshäng wår. Und dass eam neamt kent, håt ar sei Gsicht
faendan låssn fun Masknbüdna.
Und a Årwadskollegin håt si in den „Shtubenmau“ faliabt. Si håt neet gwusst, dass er da Kenig is.
Åyso håts eam datsöd, dass si eam wü heiratn. Åwa in de Gshäftn de Preise san leida hächa wurn.
Weu sunst kuntadn de fakeifa neet kaufm, wås eanare Luxusfraun woyn. De Fakeifa håbm tsu ir
gsågt:“ Mir kenan unsare Preise easht daun senkn, waun uns unsare Fraun falåssn!“ und ayso håt si
neet gnua Göld, um tsu kaufm Heiratsgwaund und Heirats-Shuach und Heirats-Essn. Då håt da
Kenig tsu ir gsågt: „Göld is guad, åwa ka Heiratsgrund! Åys Shtubenmau i bin gaunga in dees
Hotöl, dass mi kana kent und daher mi kane mer weng mein GÖLD heirat. I wår dreimåy faheirat.
Dese drei Fraun håbm mi weng mein GÖLD gheirat und håbm mi bedriagt. Waast, LIBE soy sei da
Heiratsgrund, LIBE! OONE Bedriag! – Liabst du mi? OONE Bedriag?“
„Yå, i liab di, wer imma du bist! Oone Bedriag!“ håt si gauntwurt und håt eam umårmt. „Danke!
Und i liab di! Oone Bedriag! Und befur i da såg, wer i bin, muas i di no a bisserl wårtn låssn.
Fatraust ma?“ håt ER gsågt. — „Yå, i fatrau da“, håt SI gsågt.
Daun is da Kenig ins Hotöltsimma tsum Kari gaunga. Neet åys Shtubenmau, sundan åys Kenig håt
da Kenig tsum Kari gsågt, dass da Kenig dem Kari Referentsn wird gem, waun da Kari tuad, wås da
Kenig wü. Da Kari soy tuan, åys ob da Kari war a reicha Kenig, der wås a Frau suacht, de wås mit
eam ins Theater gäd und drei Fraun wern kumma. Da Kari håt de Referentsn notwendig braucht,
weu neamt Aundara håt eam gebm Referentsn. Drum håt da Kari gsågt: „Yå!“ Daun håt eam da
Kenig fotografird und håt beshtöd in da tseidung fun Omokan dees Inserat „Reicher Kenig suacht

Frau, de wås mit eam ins Theater gäd“ mit Foto. De Adele und de Amalie und de Seline håbm dees
glesn und dees Foto gsäng und san min Kari ins Hotöl-Theater gaunga und håbm gwårt, wöche fun
dese drei Fraun da Kari wü heiratn. Und a Journalist håt eana ålle midanaunda fotografird und yede
fun dese drei Fraun håt in Tseidungs-Interview gsågt, dass si wü den Kari heiratn.
Da Gwaundfakeifa und da Shuachfakeifa und da Essnfakeifa håbm dees glesn und de Fraun am
Foto dakent und håbm eanare Preise wida nidrig gmåcht. Und de Shtubenfrau håt kena kaufm
Heiratsgwaund und Heirats-Shuach und Heirats-Essn. Und da Kenig håt tsu ir gsågt: „I bin da
Kenig!“ Und de tswa håbm gheirat. Und a neichs Bett kauft.
Und da Kenig håt dem Kari de Referentsn gebm, wås ar håt ghåbt eam fashprochn. Da Kari woyt
haamfårn, weu mit de Referentsn fun Kenig fun Omokan håt ar de Meglichkeid, in seine Hoamad
wida a Håkkn tsu findn. Gråd wia da Kari wår Koffa påkkad, is in Kari sei Frau kumma und håt
glaubt, dass da Kari war ins Bett gaunga mit de drei Fraun, wås si håt gsäng am Tseidungsfoto. Åwa
da Kenig fun Omokan håt ir ållas erklerd und håt ir de Referentsn tsaagt. Dass de Gshicht håt a
happy

END.

Då is amåy aus da Shtådmittn ana kumma mit an Auto und woytat uns Autos fakaufn. Wauns photovoltaishe, – åyso net – raukade! – gwesn warn, häd ma a pår kauft; weu a HOOD håbms! (Dees Word „HOOD“ hoast sowoy „Kaputsn“ åys
„Motorhaubm“!) Åwa de wårn leida Fabrenungsmotortshäsna, åyso raukad und daher
TREYFE (des hoast is Gegnteu fun kosher), åyso mir habms net kauft.

Nachdem ar mit fashidane Shmantses mit Lakritsn Leit angshtrudlt håt und niks åys Pshistara kriagt håt, håt ar sei Auto shteelåssn am Wåydraund. De Autotür wår offen. Und er håt graukt und daun sein Tshikk weggagshmissn. In an Tsuastaund tswishn bluntsnfätt und toteu in Ö, is dees Nudlaug, dees Gshpritste, eigshlåfn. Då san a SAPSUCKER und a SQUIRREL und a CHIPMUNK und a SKUNK (dees san neigirige Ficha) ausn Wayd in sei Auto greut. Da Wind hat de Autotir tsuagshmissn und de eigshpirtn Ficha håbm des Auto ruinirt und sei Tshikk håt Feia farursåcht. Da Wåyd håt brent. Då håt mei Urgrosfåtta gsågt, dass mir derfm den Shtådmenshn neet låssn shterbm in sein eigan Feia, weu sunst sågt wer, dass mir hädn eam umbråcht. Åyso håt mei Urgrosfåtta tsaat den Fremdn ausn Feia und mir Aundan håbm gläsht dees Feia. Der aubrende Fremde håt gsäng, dass mir håbm
Mishkulturgärtn und dass mir essn Tunfish und er håt gsågt, dass er wü nimma Autohandla sei, åwa er håt yets tswa neiche Business-Ideen. Mir dåmåys håbm no neet gwust, wås mant er.

Sobåyd es wår wida moglich, mei Urgrosfåtta håt uns tsuagshaut, wiama neiche Bamerln håbm eigsetst in Plåts fun de åbrendn Bam. Und nåcha håbm mir miassn unsa Religionstseig autsiang, dass mei Urgrosfåtta håt kena shprechn den Seng iwa uns und iwa de Bamerln: dees wår urwichtig fir mein Urgrosfåtta!Åwa der Shtådmensh, der wås håt farursåcht den Wåydbraund håt si iwahaupt neet gshert um den Wåyd! Mir håbm den Kwadratwappla ni mer gsäng.

Yåre shpeda is sei Frau kumma auf an Motorradl, dees war no shtingada åys sei Auto. Si håt a Murtsgseres gmåcht, weu ir Man is gshturbm, weu mei Urgrosfåtta häd irn Man fahäksd, håts gsågt. Si håt desweng a Göld woyn fun mein Urgrosfåtta. Mei Urgrosfåtta håt ir neet amåy an antsichn PENNY gebm. Si håt gsågt, dass sie wird shprechn mit irn Rechtsawwåyd und mei Urgrosfåtta wird ins Hefn kumma. Mei Urgrosfåtta håt gsågt, dass am Göld is gshribm „IN GOD WE TRUST“ und der Herrgott wird de Kashe erledign. („In God we trust“ is wirklich gshribm am Göld und haast „In Gott mir fertraun“)

Dånn håbma erfårn wås der Shtådmau håt gmant mit seine Business-Ideen: Tseasht håt ar tsaumen tsaumgmisht, wås NEET tsaumgmisht ghern; drum is sei Gärtn NIKS worn. Dees HÄDN mir eam GLEI sång kena,- waun ar uns gfrågd häd! – , weu dass ma soy NEET mishn, wås neet gmishd GHERD, is gshribn in drittn Buach Moses und WÅS ma soy KOMBINIRN, tsum Beishpü Kaffoy mit Tsölla oda Gurkn mit Kölch, is gshribm in aundare Biacha. Mishkultur is NEET IRGENDA Mishmåsh, sundan a KULTUR!

Daun hat ar si erinat, dass mir essn Tunfish und er håt desweng glaubt, dass ma kuntat ållas esssn wås in Wåssa is und er håt gfangnt Fresh aus an Wåssa in ana aumdan Gegend und er håt fakauft de Fresh aun Restaurants wo Leit san, de wås essn Frosh-Shenkln und tsåyn dafir fü mer Göld åys für Fish. Er håt ser fü Göld kassirt. Åwa auf amåy is ar MAROD und daun tod wurn. Sei Frau håt neet gwusst, wås wår da Grund fir sei Marodheid und sein Tod. Mir aa neet.

Mir håbm ir nur sång kena, dass in drittn Buach Moses is gshribm, dass ma Fresh neet essn derf, weu Fresh san neet kosher. Und sowoy in drittn Buach Moses åys aa in aundare Religionsbiacha is gshribm, dass ma muas aufpassn, dass ma de Bamneet ausrott! Aussadem håt ir mei Urgrosfåtta gsågt, dass da WILLIAM PENN „WOULD BE FED UP QUITE A WHOLE LOT“ (dees haast „wurat angfressn sei echt urfü“) iwa de Frau und irn Man, waun da WILLIAM PENN wissat, dass a Wayd braund is gshäng durch an Tshikk fun an Man, der wås si håt iwahaupt neet gshert um den Wayd und sei Frau dahofft si aussadem an Reybach!

(Da WILLIAM PENN is da Gründer fun PENNSYLVANIA, dees haast „Wåydlaund fun
PENN“) De gerichtliche Untasuachung håt daun ergem, dass de Ursåch, wårum der Fakeifa is gshturbm, wår Malaria. Und mei Urgrosfåtta is freigshprochn wurn und håt no tswa Monat glebt.